اہل بیت(ع) ایجنسی۔ ابنا: لبنان کی النشرہ نیوز کی رپورٹ کے مطابق شیخ نعیم قاسم نے بیروت میں اپنے ایک خطاب میں اس بات پر تاکید کرتے ہوئے کہ مزاحمت نے غاصبوں کی راتوں کی نیندیں حرام کررکھی ہیں کہا کہ صہیونی دشمن ہر حملے سے پہلے ہزار بار اس کے نتائج کے بارے میں سوچتا ہے۔ حزب اللہ کے ڈپٹی سیکریٹری جنرل شیخ نعیم قاسم نے مزید کہا کہ صہیونی حکومت کے خلاف لبنان کی مزاحمت کی پے در پے کامیابیاں باعث بنی ہیں کہ یہ حکومت اپنی ہر غلطی کی بھاری قیمت ادا کرے۔ شیخ نعیم قاسم نے اسی طرح کہا کہ جب تک جنوبی لبنان اور فلسطینی سرزمینوں میں غاصب صہیونی حکومت کا قبضہ ہے، اس غاصب حکومت کے خلاف مزاحمت جاری رہے گی۔
۔۔۔۔۔۔۔۔۔۔۔۔۔
۲۴۲
